ألسنة بعض الناس. ...طويلة...بين النبش والهبش...
-
يتحدث
الناس ...في جلساتهم في الكافي شوبس....في مواضيع عديدة بين قصص المال والحب
والسياسة والحرب والعائلة....ولكن قصص الاستغابة ...الشخصية والاستغابة
السياسية..يقضي فيها المتقهونون وقتا اطول
في الحديث!!....فقد حدثني صديقي.."ثعلية" عن جلسة له ..تناول فيها كاسا
من الشاي
بالنعناع...مع اصدقائه في احدى المقاهى...في المساء..في نص البلد....!!.الا
انه كان يحدثني وهو مسموم بدنه.!!.فقلت له مالك مش مبسوط.!!.فقال..مما سمعت.من
الجلسة.!...فقلت له ..يا صديقي...وهل كل ما تسمع من الهدر والكلام هو صحيح.؟..في
الواقع..الناس بتبهر وفي منهم لا يخافون ربهم.!..وهم نازلين في ساقة
هالعالم..!!...قال لي ...الخوف ان كله او معظمه يبدو صحيحا!!.....الدنيا خربانة .!!.بسمعهم بيقولوا
.اللي زبط حاله اهو مرتاح ...وربنا والجماعة راضيين عليه....!!!واللي مش عارف
يحطله رجل...راحت عليه ..سلامة اتسلمك...قاعد بيحكي مع حاله..!!!.....ولان اللي
بتحدثوا في القهوة اللي قعدت معهم اصدقائي.... لم يغتربوا يوما ....وجيالهم ما
زالت حية !!! ولكن غير مرزوقين .!!..فهم
لا يكذبون...فقلت له تذكرني بالمثل القائل.."ما في اكذب من شاب تغرب..اللي
شايب او ختيار ماتت اجياله.".!!.فما يقولونه يعتبر صحيحا ..ما دام لم يثبت
العكس...فضحك صديقي "ثعلبة"
وقال..يا رجل لا تبعد الامور !!...فقلت له هات اتحفنا....مما سمعت.!!!..فقال ان
احد اصدقائه..حدثه عن انه قدم طلب وظيفة منذ مدة لابنته خريجة جامعية من سنتين
..ومش لاقيه وظيفة..مش زابطة معاه....فقرر ان يصلي صلاة استخارة...فصلاها...وتهيا
له انه طلعلوا شيخ بيقوله...روح قدم طلب بنتك الى راس الكوم.!!!.في مكان
العمل...وصاحبه على حد قوله ..لم يبيت الحكي...وراح يبحث عن راس الكوم في الدائرة
اللي قدم طلب بنته للوظيفة فيها...وسال
عنه بعض الوسطاء وفاعلين الخير ..بتعرفوا..مدير الدائرة..الفلانية..!!...معظمهم
قالوا له نعم هاذا زلمه...مليح..اسمه "نافذ".!! بس بدك تكون ذكي...في
عرض طلبك له....فقال لهم ايش ذكي..يعني ما انا بعرف احكي زي الناس...!! فقالوا له
راح تزبط الامور معه ...اعرض له حالتك ....وشوف شو بتقدر تتفاهم معه.!!.فاعتراه
الخوف.بالرغم من ان صاحب ثعلبة..."الحاج" كما يشار اليه..قوي الشخصية
ويشم الحكي شم من بعيد!!..ذهب الى الدائرة المعنية...وراح يسال عن البيك
الكبير.(راس الكوم)..!! فقالوا له ..هناك فوت على السكرتيرة...واطلب مقابلته...ذهب
الى عرين المدير...وفات عند السكرتيرة...شابة مقبلة على الحياة العصرية!!....فقالت
له نعم يا عمي الحاج...فقال لها بدي اقدم هالمزبطة...للبيك المدير...فقالت له معك
موعد سابق ..فقال لها لع ...والله يا ابنيتي..!!!...ما فيش...موعد...فقال لها طيب
بس بدي اسلم ..عليه..فقط... وبعدين باخذ موعد...في وقت ثاني...فقالت له ..طيب اجلس خليني اشوف اذا
بقدر ادبرك لتدخل عند الاستاذ....(المدير.) .فقال يا الله يا رب..فدخلت لدقائق
وعادت اليه ..وقالت له اتفضل..عند الاستاذ...وفات عند البيك المدير ..في مكتبه
...الواسع ....مراح ...من غير حسد..ما شاء الله...واذا بالحاج يقول ..بينه وبين
نفسه...انا شايف هالزلمه هاذ...وين ..وين..بعدين اتذكر...وطلع البيك بيداوم في
اكثر من دائرة...ولابس اكثر من طاقية على راسه..!!..فطرح الحاج السلام ...على البيك المدير.... فرد المدير
بصباح الخير.. يا حاج....وبدا الحاج بكلام موجه الى المدير ..الاستاذ..يا بيك انا
شفتك قبل .هيك..قال له وين ...ما انا باداوم في
اكثر من ثلاث وظائف ومستشار ..لبعض المؤسسات الاجنبية..اللي بتخدم البلد
...وبتعمل ورشات عمل لبناء القدرات والتمكين للموظفين.وكل هذه الوظائف ..بنخدم
فيها القضية.!!..فقال له الحاج....اي قضية ؟..قال له قضية فلسطين.!!...فقال ونعم
انتم....بس انا شايفك خافا الله عند دائرة كانت توزع مؤن وحرامات
للشتاء...للمحتاجين...وبتذكر ما ارضيت ترد علي ...قلت لك بدي احرامين للاولاد في
هالشتوية..وبالرغم من صياحي وكنت في الصفوف الاولى للمطالبين من الجمهور...وهم
كثر...وانا عارف انك اسمعتني..لكن لا الومك الله يعينكم..على هالمسئولية اللي في
رقابكم...انتو بدكم تردوا على مين والا مين..!!.فقال له شكرا بيجوز اني ما
اسمعتك..لكنني كنت مكلف بالاشراف.بعض الوقت.على عمليات توزيع التبرعات
العينية...للشعب..ولازم ندقق على الموظفين...احسن ما يكون اي محاباة.!!..وكان هذا
زمان ...من اربع سنوات....لكن شو بدك اليوم من هان ...قال له... والله كتبت مزبطة
الكم مشان نوظف هالبنت ..صارلها قاعدة سنتين في البيت بعد ما تخرجت...ولكن ما دمت
انا شفتك ..خلص ما في داعي للمزبطة..فقال المدير شو متخصصة بنتك...قال له....
قالتلي علوم مالية ومصرفيه بيقولولها برى ....فانس..!!...قالوا لع يا حاج هاذي
فاينانس.FINANCE.ومش
ملاقيين غير هالتخصص تخلوها تدرسه...ما في اكثر من مية الف خريج وخريجة من
هالتخصص..هي جامعاتنا...ما الها طعم..في فتح مثل هيك تخصصات باعداد..كبيرة...مع
انه السوق فائض بالخريجين...!!.وهاي وظيفتها بس في البنوك....وبنوكنا ..معدودة..ما
.بتقدر توظف اعداد كبيرة من العاطلين ....فقال
له انو العاطلين..قال له ياحج انا بقصد العاطلين عن العمل..ما بقصد ايشي
ثاني...وعددهم كبير بيقولوا في نص مليون ..عاطل عن العمل..في البلد...فقال الحاج
ول..معقول يا بيك ...هذا الرقم......وقال له المدير ...طيب
قدمتولها..طلبات للديوان...-ديوان الموظفين...مثلا ..قالو نعم قدمنالها..وقالولنا
..بنعلن في الجرايد...بيجوز طلع اسمها واحنا ما بنشتري جرايد...بس بنتابع تلفزيون فلسطين !!.واستكمل الحديث الحاج فقال للمدير
قدمنالها في مطارح كثيرة...بس ما حدا رن علينا..فقال المدير ...شو بتشتغل يا
حاج.انت جنابك.؟..قال له بقيت اشتغل في شركة ..وقالوا لي انو بدهمش ايانا ..بدهم
قال نيو بلاد....فقال له المدير اه قصدهم New blood .....اه
..ماهم معهم حق ..هذولا اللي ييتخرجوا من بره زي اوروبا وامريكا عندهم علم حديث....واخر ما توصل العلم من نظريات في
الادارة والتكنولوجيا..وبيعرفوا لغات ...فلازم هم اللي يستلموا البلد...!! وبعدين
رواتبكم بيجوز كاينة عالية فبيجيبوا براتبك موظفين اثنين او ثلاث...فقال له الحاج
..لا والله يا بيك الله وكيلك..بعطولهم رواتب
..اخر رواتب حصلناها.واضعافها..والله عمرنا في حياتنا ما توقعنا هيك
رواتب....وببداوا فيها ..واللي ما حصلناها..الا بعد عقود من السنين..فقال له
المدير انت والله يا حاج بتعز علي ...خلينا نطلبك فنجان قهوة ...لانه انا بعد عشر
دقائق بدي اروح اطلطل على الوظيفة الثانية.!!!..قال له الحاج اشكرك فانا اليوم
الاثنين صايم ..بصوم الاثنين والخميس في كل اسبوع...وقال ايضا الحاج انه
بنتي..بتصوم زي...ربيتهم على الاصول الدينية...فقال له المدير ونعم
التربية...اعطيني الاستدعاء هذا اللي معك ..هل حطيت فيها ال سي في. CV والعنوان
...قال حطت يمكن البنت..بس حاطينا العنوان بواسطة انسيبنا ..وهاذا نسيبنا بس
بيشتغل مع الكبار.!!..فقال له شو اسم نسيبكم.؟....قال الحاج اسمه..
"واصل"...فانفرجت اسارير المدير وقال هو نسيبك "واصل" قال له
نعم.... قال له ليش ما بتقول من اول ما جيت...هذا صاحبي وخريج دفعتي من الجامعة في
لندن بقينا عشرة مبعوثين على حساب الدولة ...مشان بعد ما نتخرج..نرجع نخدم في
البلد..!!.وليتاكد البيك "نافذ"
من صحة كلام الحاج...قال له حافظ رقم تليفونه ..يا حاج..فقال له الحاج اه
نعم..وكتب الحاج الرقم ..على ورقة صغيرة امام البيك ...!! وعندما راى رقم
التليفون..لصاحبه .."واصل" حتى تاكد من صحة اقوال الحاج ..لان البيك
يعرفه...وقال للحاج ...سلم على "واصل"...وقولوا بيسلم
عليك..."نافذ" ...وان شاء الله ما يكون اليكم يا حاج الا الخير... قال
له الحاج ان شاء الله خير ..خلص !! يعني احط ايدي في مية باردة..قالوا خليها تيجي
اتداوم ..الاسبوع الجاي.. بلكن زرقناها مع المجموعة !!...اللي معهم عقود وبعدين
انا بثبتها...بعد كم شهر !!! بس المهم نحط اسمها على القائمة..بالرغم من ان العدد
اللي عنا في الدائرة ...مضاعف للعدد المطلوب لشغل الدائرة..حيث بالامكان ان يقوم
فيه نص عدد الموظفين.الحالي...!!.بس بنحاول احنا نحل مشكلة هالبطالة..في البلد..!!
قال له الحاج ..بارك الله فيك والله انك اصيل ..قال له المدير احنا في خدمة الناس
الطيبين وسلم على "واصل" وقل له ...خليه يدبر اللي في الورقة اللي
بعثتها له...من يومين....والحاج على نياته.. ..قال للبيك ..شو مكتوب في
الورقة....قال له مع انه مش لازم...احكي لك ..بس ما دمتم نسايب.انت
و"واصل"....معالش ..احنا .بدنا نوظف ابن صاحب النا ...تاجر كبير ...هو
ابنه مش محتاج الوظيفة ....بس بدو اياه لابنه....يعرف كيف يتعامل مع الناس في
هالوظيفة....ويعترك الحياة العمليه...ويكون صداقات وبعدين بدو يحطه في
شركته..!!...وودع الحاج المدير ..وخرج وهو يقول الله يطول عمرك يا نسيبنا
.!!..اللي مصاحب هيك ناس...وباين انه اللي ما الو اصحاب مثل هيك ...عمر اولاده ما
يعتبوا....باب شركة ولا دائرة.....!!.
-
وهنا
قلت لصديقي "ثعلبة" معقول يا رجل انه عندنا الامور سايره بهالطريق..قال
صديقي انت لو تسمع باقي القصص عن ال ان جي
اوز.NGOs..المحلية والاجنبية..هذولا في منهم بيحجزوا
الوظائف في معظمها.لاقاربهم....بس بنشروا بالجرايد
عن الشواغر..الوظيفية..وبيقابلوا المرشحين ...عادي وطبيعي..كان شيئا لم يكن وبعدين
بيودوا ايميل اعتذار.!!!.فقلت له ول هي برضو وصلت لمؤسسات المجتمع المدني ..قال ما
فيش لا قطاع مدني ...! ولا قطاع غير مدني.!!.الك واسطة او معرفة ثقالة ..بتزبط
امورك غير هيك ..استنا لما يحنوا عليك هالمؤسسات اللي ماشية دوغري..!!!.وهي قليلة
لكن في منها في البلد..الحمد لله بس رواتبهم زي العمى.!! تبدا .دون الحد الادنى
وبعدين لا صندوق توفير ولا معالجة ..طبية للعائلة...لكن اهو احسن ما يظل الواحد
قاعد في البيت.!!..قال صديقي "ثعلبة"...بديش اطول عليك بس بدي اخرفك
اللي اسمعتوا من واحد كان جالس بجانبنا احنا واصحابنا قالوا عنه انه هاذ موظف كبير
..بيقولوا انه كان لا شئ ....في البداية ...بس ظلوا يوزوز على اصحابه !! واللي
بيعرفهم ...في الوظيفة ..مع انهم هم الذين اللي جابوه ..ووظفوه..!!!.بس انقلب
عليهم وصار يروح عند الباشا الكبير ..ويوسوس له ...وانه فلان من الموظفين ....اللي
مش نافعين...!! بيسب على الحكومة !!..بس بالسر ...وانه بيجتمع مع بعض الموظفين
اجتماعات ابصر شو بيسووا !!..بس في اشئ بينهم..!! بس "ثعلبة" حكا عن احد
اصدقائه..المطلعين على الامور... حكا
له انه هذولا الموظفين اللي بيجتمعوا مع
بعض كانوا بيجتمعوا عائليا...فهم يا اما عدايل ....يا اولاد خالات ...يا اولاد
عمات...!! فقلت له يا سلام هل بيوظفوا في نفس الدائرة قرايب...!! فقال لي
"ثعلبة."..على علمي اه..!! واكمل صديقي "ثعلبة" حديثه الذي
قال لي انه الاخير...!! .فقام الباشا ..بتوظيف بنت هذا الشخص ..الواشي في وظيفة من
البداية بدرجة مدير A..وامر الباشا ايضا..بمنحه مبلغ 100 الف
دولار، كمساهمة في شراء شقة.له.... مشان يرتاح من الايجار..!!..وصار
هذا الزلمي...ايد ورجلو للباشا.!!..فقلت لصديقي "ثعلبة" طيب ليش جاي هذا
الواشي ...قاعد في القهوة اللي قاعدين فيها.انتو...فقال له ..بيحب يظلوا هيك ناس
مع الناس على اساس يظهرلهم انه بحبهم وانو الباشا بيحب الناس...بالاضافة
.لذلك....كان ..يستنى السائق تبعو اللي راح يغسل السيارة !!..وبعدين بيمر عليه على القهوة..!!.وكمان حصل الزلمي هاذا –الواشي-
حارسين..مرافقين.اثنين.. بياخذ مخصصات لحارسين ..وهو بيوظف واحد او ما بيوظف
.!!.حسب الوضع..وفيش حدا بيتبع او بيقرا ورق!!.كما ان هذا الواشي....لا بيدفع لا
بنزين ولا اسخام البين.!!..كله على حساب الباشا..قلت له والباشا منين بيصرف!!..قال
لي ان الباشا له عمارات يؤجرها في قبرص بناها واستثمر هناك على ايام ما كان مسؤول
ملف اشئ بعرفش شو هو ...وكمان
راتبه...الشهري ..كبير ..وبيصرفولوا علاوات تعليم لاولاده ... وما شاء الله
....الله منعم ومتفضل عليه.!!.قلت ونعم بالله ...على هذه النعم!!
-
قلت
لصاحبي.."ثعلبة" ارجو من اليوم ورايح ان لا تسم بدني...بهيك اخباريات
..باين الكل بينبش عل الكل..وبيهبش من بيت اموال الشعب الغلبان...المحسوب على
الشعوب الفقيرة...!!! ارجوك "ثعلبة" ما تروح على هالقهاوي هذه..قال
لي.."ثعلبة" ..اذا بدك بروح عالجامع ... اعتكف...واصوم الست البيض وغير
البيض...!! ...قلت له..احسن شئ....بس ارجو ان تبتعد عن هالمجتمعات اللي بتنبش وبتهبش....في هذا
المجتمع..واغلب الحكي تبعهم... تلفيق بتلفيق..........بدي اصير اسميك "شيخ
ثعلبة"....فقال لي لا .....!! الا هاي هناك منهم كثير هذول عند الباشوات..!!.ومزبطين
حالهم..!! فخلينا على اسمائنا اللي سمتنا اياها امهاتنا....!!
-
وودعته
على امل ان يعتكف صديقي "ثعلبة"واشك في ذلك.!!.لان الظروف
متغيرة..والناس بتتغير....حسب الظروف...الناس بتحكي .....!! وانا اجزم ان مش كل
حكي الناس صحيح..!! في هناك حسد وعدم مخافة الله...وتبهير وعروطة...ولكن الدنيا
عندنا ...ما بتخلا من ما قيل..!!!..ولكن مش زي ما بيحكوا....بيجوز اقل ....لانه في
كل بلاد الدنيا وخاصة العربية...في مثل هالحكي....لا رقيب ولا حسيب...!!
تعليقات
إرسال تعليق